Një 49-vjeçar nga fshati Gurras i Pogradecit ndodhet në gjendje të rëndë në spital, pasi ka konsumuar pesticid pemësh.
I ardhur pak ditë më parë nga Greqia, shtetasi me inicialet D.C., 49 vjeç, mësohet se në orët e para të ditës së sotme ka shkuar në banesën e ish-bashkëshortes së tij Dh.Ç., 50 vjeçe, në lagjen nr. 4 Pogradec dhe për motive të dobëta ka ushtruar dhunë fizike e psikologjike ndaj kësaj të fundit.
Ndërkohë raportohet se në momentin që në banesë ka ardhur policia, 49-vjeçari ka konsumuar pesticid pemësh. E për pasojë, ai ndodhet në gjendje të rëndë shëndetësore dhe është transportuar për mjekim të specializuar në Tiranë.
Ndaj 49-vjeçarit vijojnë ende hetimet ndërkohë që materialet iu referuan Prokurorisë së Pogradecit për veprën penale “Dhuna në familje”.
NJFTIMI I POLICISË
Specialistët e Seksionit për Krimet në Komisariatin e Policisë Pogradec, referuan materialet në Prokurori për shtetasin:
D.C., 49 vjeç, banues në fshatin Gurras-Pogradec.
Procedimi ndaj tij filloi pasi, më datë 30.03.2017, në banesën e ish-bashkëshortes së tij shtetases Dh.Ç, 50 vjeçe, në lagjen nr 4 Pogradec, ky shtetas për motive të dobëta ka ushtruar dhunë fizike e psikologjike ndaj kësaj të fundit.
Shtetasi i mësipërm, pasi ka kryer këtë veprim, ka konsumuar pesticid pemësh. Për pasojë ndodhet në gjendje të rëndë shëndetësore dhe është transportuar për mjekim të specializuar në Tiranë.
Materialet i kaluan Prokurorisë të Rrethit Gjyqësor Pogradec për veprën penale : “Dhuna në familje” parashikuar nga neni 130/a/1 të Kodit Penal.